A duhet të shtrëngohen masat anti-Covid në Zvicër

(KEYSTONE/Peter Klaunzer)

Një mjek i njohur në Gjenevë thotë se beson se politika aktuale e shtetit për Covid-in është shumë e relaksuar, duhet të merren masa më të rrepta dhe doza e katërt duhet të jetë më e disponueshme.

Politika aktuale e qeverisë nuk është të ndalojë infeksionet me çdo kusht.

Zyra Federale e Shëndetësisë thotë se vaksinat po parandalojnë forma serioze të sëmundjes, shkruajnë mediat zvicerane, përcjell albinfo.ch.

Gjeneva po monitoron në mënyrë aktive situatën dhe thotë se variantet BA.4 dhe BA.5 janë më të zakonshmet.

Por kreu i Institutit të Shëndetit Global në Universitetin e Gjenevës, Antoine Flahault, thotë se duhet të ketë më shumë testime dhe vënie të maskave – veçanërisht brenda ndërtesave dhe në transportin publik. Ai thotë gjithashtu se doza e katërt e vaksinës do të vihet në dispozicion, veçanërisht për shtresat vulnerabël.