Nga 25.000 kërkesat e shqyrtuara, asnjë kosovar nuk fiton azilin

Vetëm 7 vetave u është ofruar mbrojtje në bazë të Konventës së Gjeneves për Refugjatë dhe 21 të tjerëve u është dhënë e ashtuqajtuar “mbrojtja subsidiare”

Zyra Federale për Migracion dhe Refugjatë (BAMF) ka bërë të ditur të enjten se numri i vendimeve për azilkërkuesit nga Kosova gjatë dhjetë muajve të deritashëm të vitit, ka qenë 25.000, shkruan ntv.de.

Asnjë prej tyre nuk ka fituar azilin! Por vetëm 7 vetave u është ofruar mbrojtje në bazë të Konventës së Gjeneves për Refugjatë dhe 21 të tjerëve u është dhënë e ashtuqajtuar “mbrojtja subsidiare”, transmeton albinfo.ch.

Njësoj asnjë shtetas i Shqipërisë nuk ka fituar azil gjatë gjithë kësaj kohe. Në tekst nuk ofrohen të dhëna më të detajuara për format tjera të ofrimit të mbrojtjes sa u përket shtetasve të Shqipërisë.