Opozita fut pa leje peticionin në kuvend

Foto ilustrim

Materialet që përmbajnë nënshkrimet e peticion it kundër “Zajednicës” kanë gjetur rrugën e tyre për në parlament, edhe pse jo rrugën e rregullt. Liderët e tri partive politike opozitare në Kuvendin e Kosovës: Visar Ymeri nga Lëvizja Vetëvendosje, Ramush Haradinaj nga Aleanca për Ardhmërinë e Kosovës dhe Fatmir Limaj nga Nisma për Kosovën, pa lejen e sigurimit, kanë futur me forcë në Kuvend peticionin me nënshkrimet e qytetarëve që kundërshtojnë formimin e Asociacionit të Komunave me shumicë serbe dhe demarkacionin e kufirit me Malin e Zi, shkruan radio Evropa e Lirë

Lideri i AAK-së, Ramush Haradinaj, derisa ka hyrë me forcë bashkë me liderët e tjerë, ka thënë se është e pakuptimtë që të mos lejohet futja e disa dokumenteve në Kuvend.

Pas futjes në Kuvend, liderët opozitarë kanë mbajtur një konferencë për medie ku kanë treguar se janë mbledhur mbi 200,000 nënshkrime të qytetarëve