Mërgimtarët nuk dëshirojnë të blejnë banesa në Prishtinë

Mërgimtarët i kanë blerë edhe i kanë lënë banesat e tyre të zbrazta e të mobiluara në Prishtinë, por nuk do të blejnë më në të ardhmen, kështu thonë të paktën në sondazhin e realizuar nga albinfo.ch.

Zyrtarë të Komunës së Prishtinës thonë se pjesa më e madhe e apartamenteve janë të pabanuara për shkak se ato janë ende pa u shitur, por edhe një pjesë e konsiderueshme prej tyre janë blerë nga bashkatdhetarët tanë, të cilët jetojnë nëpër vende të ndryshme të Evropës Perëndimore dhe të njëjtat i shfrytëzojnë vetëm gjatë pushimeve.

Këtë të fundit e konfirmon edhe sondazhi i realizuar nga platforma albinfo.ch.

Të anketuarit kanë pohuar se kanë blerë banesa në Prishtinë (13%), por shumica e të anketurve janë përgjigjur negativisht në pyetjen e albinfo.ch  (63%) se nuk do të blejnë apartamente në kryeqytetin e Kosovës, me siguri për shkak të çmimit që vazhdon të jetë i lartë edhe përkundër faktit që një pjesë e madhe e ndërtesave kolektive në këto lagje janë boshe, apo ndoshta edhe nga zhvillimet e tjera në vend.

Ka të tillë që e kanë deklaruar në sondazh (23%) se e kanë në plan në të ardhmen të sigurojnë banimin në Prishtinë.

Albinfo.ch ka raportuar nga Prishtina për çmime të larta të apartamenteve, edhe pse shumica prej tyre thuhet se janë bosh për shkak se ato janë ende pa u shitur.

http://www.albinfo.ch/banesat-bosh-cmimet-e-larta/#sthash.5UuIkpca.dpuf