Ylli i Barcelonës, Lamine Yamal, ka reaguar pas ceremonisë së ndarjes së çmimit të Topit të Artë, duke shprehur bindjen se në të ardhmen do ta fitojë edhe ai këtë trofe prestigjioz.
18-vjeçari, i cili ishte ndër emrat e përmendur si pretendentë për çmimin, e uroi fituesin Harry Kane, duke theksuar se është i përqendruar në zhvillimin e karrierës së tij dhe nuk ka arsye të nxitohet.
“Gjithçka do të vijë në kohën e duhur. Gjërat e mëdha kërkojnë durim. Besoj në rrugën që kam zgjedhur dhe jam i bindur se një ditë do të vijë edhe momenti im”, ishte mesazhi i Yamalit, i cili gjithashtu uroi fituesit e çmimeve.
Futbollisti i ri bëri të qartë se tashmë synimi i tij kryesor është të kontribuojë në sukseset e Barcelonës dhe ta ndihmojë klubin katalanas të rikthehet te trofetë.
“Vëmendja ime tani është te ajo që ka më shumë rëndësi: ta ndihmoj Barcelonën të fitojë sërish”, theksoi ai.
Në fund të reagimit të tij, Yamal përzgjodhi këngën “Let It All Work Out”, duke përcjellë mesazhin se është i gatshëm të presë momentin e duhur për të arritur objektivat e tij.
