Libri “Katërstinori” i Tonin Nikollit promovohet në Cyrih dhe në Bernë

“Katërstinori”, i ndërtuar në katër cikle – Pranverori, Verori, Vjeshtori dhe Dimërori – është një udhëtim poetik nëpër stinët e natyrës dhe të shpirtit

Shoqata e Krijuesve Shqiptarë në Zvicër, në bashkëpunim me Konsullatën e Përgjithshme të Republikës së Kosovës në Cyrih dhe, një javë më vonë, me Ambasadën e Republikës së Kosovës në Bernë, ju fton në përurimin e veprës poetike “Katërstinori – Kalendar shpirtëror” të poetit Tonin Nikolli.

“Katërstinori”, i ndërtuar në katër cikle – Pranverori, Verori, Vjeshtori dhe Dimërori – është një udhëtim poetik nëpër stinët e natyrës dhe të shpirtit. Në të ndërthuren vendlindja, kujtesa, mërgimi, dashuria dhe kalimi i kohës, duke i dhënë veprës një dimension njëkohësisht intim dhe universal.

Tonin Nikolli është një poet nga Shqipëria (Lezha) i cili jeton dhe krijon në Zvicër dhe merr pjesë aktive në ngjarjet letrare e kulturore të komunitetit tonë në Zvicër.

Cyrih, 11.10.2026 | 18:00

Konsullata e Përgjithshme e Republikës së Kosovës

Ambasada e Republikës së Kosovës

Zähringerstrasse 25, 3012 Bern

Mirë se vini!

---