Komisioni për Legjislacion miraton ndryshimet në Ligjin për Specialen

Tani ai pritet të shqyrtohet në parim në edhe në seancë plenare

Komisioni për Legjislacion ka miratuar në parim Projektligjin për ndryshimin e Ligjit për Dhomat e Specializuara të Kosovës.

Në mbledhjen e mbajtur të hënën, pak para seancës plenare, ai është votuar unanimisht nga anëtarët e Komisionit që kanë qenë prezent. Për ndryshim të Ligjit kanë votuar 9 deputetë, ndërkohë që nuk ka pasur asnjë votë kundër dhe asnjë abstenim.

Tani ai pritet të shqyrtohet në parim në edhe në seancë plenare, transmeton albinfo.ch.

Deputeti i PDK-së, Përparim Gruda, tek ka arsyetuar kërkesën për ndryshim të Ligjit ka thënë se me të synohet që Gjykatës Speciale t’i merret një pjesë e juridiksionit.

Kryetari i Komisionit, Vigan Qorolli ka thënë deputetët e LVV-së do të votojnë pro këtyre ndryshimeve.

Të hënën Komisioni për Legjislacion shqyrton projektligjin për ndryshimet e Ligjit për Specialen

Besnik Tahiri i Aleancës ka thënë se procesi gjyqësor 6-vjeçar na dëshmoi se ajo për çka është formuar kjo gjykatë është tejkaluar.

 

---