Këngët dhe vallet shqiptare ngjiten në skenë në Pordenone të Italisë

Ansambli Kombëtar i Këngëve dhe Valleve Popullore prezantoi një program të traditës shqiptare para publikut në Pordenone, në kuadër të turneut të tij në Itali.

Kënga, vallja dhe tradita shqiptare janë prezantuar para publikut në Pordenone të Italisë, ku Ansambli Kombëtar i Këngëve dhe Valleve Popullore zhvilloi një tjetër mbrëmje artistike në kuadër të rrugëtimit të tij në qytetet italiane, transmeton albinfo.ch.

 

Në skenë u sollën ritmet dhe elementet e traditës shqiptare përmes këngëve dhe valleve popullore, duke krijuar një atmosferë festive për publikun shqiptar në Itali.

 

 

Koncerti në Pordenone ishte një nga ndalesat e turneut të Ansamblit, përmes të cilit tradita e këngës dhe vallës shqiptare po prezantohet para komuniteteve shqiptare dhe publikut në Itali.

 

 

Aktivitetet e tilla kulturore shërbejnë edhe si një mënyrë për ruajtjen dhe promovimin e trashëgimisë kulturore shqiptare në diasporë, veçanërisht për brezat e rinj që jetojnë jashtë Shqipërisë dhe trojeve shqiptare.

 

 

Pas Pordenones, Ansambli Kombëtar i Këngëve dhe Valleve Popullore vazhdon turneun në Itali, me ndalesën e radhës në Rovereto, ku është paralajmëruar një tjetër program artistik me këngë dhe valle shqiptare./Albinfo.ch

 

---