Dehari: Seanca vazhdon kur të ketë marrëveshje mes partive politike

Kryesuesi Avni Dehari, ka folur për seancën konstituive të Kuvendit të Kosovës. Ai ka thënë se seanca e radhës do të ftohet kur të ketë marrëveshje mes partive politike.

I pyetur se a konsiderohet shkelje e Kushtetutës moskonstituimi i Kuvendit të Kosovës brenda afatit të përcaktuar prej 30-ditësh, Dehari deklaroi se nuk mund të konsiderohet shkelje përderisa nuk ka sanksione, transmeton albinfo.ch.

“Seanca e radhës do të thirret sapo të ketë një marrëveshje për zgjidhjen e krizës. Pa një marrëveshje nuk ka kuptim të mbahet seanca vetëm për formalitet. Nuk ka sanksione dhe derisa nuk ka sanksione, nuk mund të thuhet se ka shkelje”, ka thënë Dehari gjatë një aktiviteti të Kuvendit për pritjen e mërgimtarëve.