Mediat botërore raportojnë për tensionet në Kuvendin e Kosovës

Tensionet në Kuvendin e Kosovës, kur deputetja nga radhët e Aleancës, Time Kadrijaj e ka goditur me vezë kryeministrin në detyrë, Albin Kurtin, janë bërë temë në mediat më prestigjioze botërore.

Përveç vëmendjes nga ngërçi politik, ky moment ka bërë bujë të veçantë, transmeton albinfo.ch.

Një nga mediat më të mëdha në botë, BBC ka publikuar pamje nga seanca, me përshkrimin e asaj që ka ndodhur.

Me titull “Ligjvënësja opozitare hedh vezë në drejtim të kryeministrit në detyrë të Kosovës, Albin Kurti, në seancën parlamentare”, është titulli i agjencisë Associated Press. 

Reuters  ka publikuar nga vendi i ngjarjes edhe fotografi edhe video, teksa ngjashëm ka vepruar edhe The Guardian.

Ngjarja e ditës së sotme në Kuvendin e Kosovës është publikuar edhe në Skynews.