Talenti 17 vjeçar, Erblin Osmani, firmos kontratë afatgjatë me Bajernin

Marrëveshja do të shndërrohet automatikisht në kontratë profesionale sapo lojtari të mbushë 18 vjeç

Klubi më i madh gjerman ifutbollit, Bayern Munih ka konfirmuar se mesfushori 17-vjeçar Erblin Osmani ka nënshkruar një kontratë të re afatgjatë me bavarezët. Marrëveshja do të shndërrohet automatikisht në kontratë profesionale sapo lojtari të mbushë 18 vjeç.

Osmani konsiderohet një nga talentët më premtues të akademisë së Bayernit. Mesfushori defensiv ka kaluar në të gjitha grupmoshat e klubit që nga viti 2017 dhe gjatë sezonit të kaluar debutoi edhe me ekipin e parë nën drejtimin e Vincent Kompany.

Në edicionin 2026/27 ai pritet të luajë kryesisht me ekipin U19, ndërsa njëkohësisht do të stërvitet rregullisht me skuadrën e parë.

Osmani është i lindur në Mynih nga prindër shqiptarë me origjinë nga Gjilani. Ai aktivizohet si mesfushor dhe aktualisht përfaqëson Gjermaninë në grupmoshat e reja, megjithëse mbetet i kualifikueshëm për të luajtur edhe për Kosovën ose Shqipërinë në nivel ndërkombëtar.

Kontrata e re është një tjetër sinjal i besimit që Bayern Munich ka ndaj zhvillimit të 17-vjeçarit, i cili shihet si një prej projekteve më të rëndësishme të klubit për të ardhmen.

---