Raca më e adhuruar e deleve në Zvicër që po mahnit turistët

Me fytyrë të zezë e lesh të bardhë – Valais Blacknose, delja ikonike që është kthyer në simbol të Zvicrësë

Delet Valais Blacknose konsiderohen ndër racat më të veçanta dhe më të dashura në Zvicër. Ato dallohen lehtësisht nga leshi i bardhë e i dendur, fytyra dhe veshët e zinj, si edhe brirët e tyre spiralë, transmeton albinfo.ch.

Kjo racë e ka origjinën nga kantoni malor i Valais, ku është përshtatur në mënyrë të përkryer për kullotat e pjerrëta alpine dhe kushtet e ashpra klimatike.

Leshi i trashë i mbron nga temperaturat e ulëta gjatë pjesës më të madhe të vitit, duke i bërë ideale për jetën në malet zvicerane.

Falë pamjes së tyre të veçantë dhe karakterit miqësor, delet Valais Blacknose janë bërë një nga kafshët më të fotografuara në Zvicër dhe një atraksion që tërheq mijëra vizitorë çdo vit./Albinfo.ch

---