Zvicra dhe Austria kanë vendosur të thellojnë bashkëpunimin në fushën e mbrojtjes, duke planifikuar blerje të përbashkëta të pajisjeve ushtarake për të ulur kostot dhe për të rritur efikasitetin.
Ministri zviceran i Mbrojtjes, Martin Pfister, dhe homologja e tij austriake, Klaudia Tanner, njoftuan se prioritet do t’i jepet sistemeve moderne të mbrojtjes ajrore, të cilat janë të kushtueshme dhe kërkojnë koordinim mes vendeve.
Austria ka bërë hapin e parë duke porositur 30 sisteme të mbrojtjes ajrore me rreze të shkurtër veprimi “Skyranger” nga kompania Rheinmetall Air Defence, ndërsa edhe Zvicra planifikon të blejë pajisje të ngjashme në vitet e ardhshme.
Dy vendet synojnë gjithashtu të rrisin shkëmbimin e të dhënave për situatën ajrore, me qëllim reagimin më të shpejtë ndaj kërcënimeve të mundshme.
Megjithatë, Zvicra dhe Austria kanë përjashtuar krijimin e një force ajrore të përbashkët, pasi të dyja kushtetutat kërkojnë që secili shtet të mbrojë në mënyrë të pavarur hapësirën e tij ajrore.
