Ambasada e Republikës së Kosovës në Austri ka njoftuar se procesi i votimit për zgjedhjet e Kuvendit të Kosovës po zhvillohet në mënyrë të rregullt dhe pa pengesa.
“Deri në orën 13:00, të drejtën e votës e kanë ushtruar 417 qytetarë nga 1,126 votues të regjistruar. Falënderojmë bashkatdhetarët tanë për pjesëmarrjen dhe angazhimin e tyre në këtë proces të rëndësishëm demokratik”, thuhet në njoftim, transmeton albinfo.at.
