Valmir Matoshi “braktis” Zvicrën, zgjedh Kosovën në nivelin ndërkombëtar

(KEYSTONE/Anthony Anex)

Mesfushori i Thunit, Valmir Matoshi zyrtarisht ka pranuar ftesën e Kosovës, për dy miqësoret e muajit qershor.

Pasi fitoi titullin në Zvicër, ai ka ndjekur hapat e Leon Avdullahut dhe Albian Hajdarit për ta përfaqësuar Kosovën në nivelin ndërkombëtar.

Në listën e publikuar të Franco Fodas për dy ndeshjet e qershorit, është edhe ai, së bashku me risitë si Dardan Shabanhaxhaj, i cili e la Austrinë dhe Rilind Nivokazi që u ftua për herë të parë, transmeton albinfo.ch.

22-vjeçari fitoi vëmendjen e të gjithëve në Superligën e Zvicrës këtë sezon duke zhvilluar plot 34 paraqitje, teksa shënoi gjashtë gola e katër asistime.

Valmir Matoshi pritet të largohet nga Thun qysh këtë afat kalimtar veror, kurse vlera aktuale në “Transfermarkt” është 1.2 milionë euro.