Të shtunën, përurohet himni i Nënë Terezës në Prishtinë

Të shtunën me  datën 5 shtator, e shpallur nga Kombet e Bashkuara edhe si Dita Ndërkombëtare e Bamirësisë, bëhen  18 vite nga vdekja e humanistes dhe nobelistes shqiptare, Nënë Tereza.

Në këtë ditë kur shënohet edhe festa e Nënë Terezës në Prishtinë pritet të zhvillohet një manifestim i madh, ku do të promovohet dhe himni kushtuar humanistes shqiptare.

Muzikantë, aktorë e e shumë pjesëmarrës të tjetë nga vendi dhe bota do mblidhen në Prishtinë për të qenë pjesë e përurimit të Himnit të Nënës Terezë, në Katedralen që mban emrin e saj.

Himni i Nënë Terezës transmeton mesazhe të fuqishme universale, fetare dhe kombëtare, të cilat frymëzojnë të rinjtë për të vazhduar rrugën e bamirësive të Nënë Terezës. Himni u krijua 1 vit para se Vatikani pritet të shenjtëroj Nënë Terezën në vitin 2016, njofton “albinfo.ch”

Me idenë dhe qëllimin e mirë që të i tregohet botës se shqiptarët janë popull human dhe solidar, ideatorja e këtij projekti, Diana Toska ka thënë se të gjithë më qirinjë në dorë do të kanë mundësinë të dëgjojnë Himnin e Nënë Terezës, e që do të jetë në shqip dhe anglisht.

Himni kushtuar Nënë Terezës, është krijuar nga vargjet e vetë asaj dhe me muzikë të Lorenc Antonit. Realizimi i kësaj vepre, u regjistrua më 19 korrik  në Tiranë në sallën e Teatrit të Operas dhe Baletit, nën dirigjimin e maestro, Bujar Llapaj, orkestrim të kompozitorit Genc Tukiçi, dhe interpretimin e sopranos së njohur shqiptare Inva Mula, solistes nga Maqedonia, Sihana Badivuku, shoqëruar nga orkestra gjithëkombëtare dhe kori i Filarmonisë së Kosovës drejtuar nga Baki Jashari dhe organizim të Arben Skënderit.

Kjo ngjarje madhështorë që do të mbahet në kryeqytetin e Kosovës ,do transmetohet nga televizioni publik i Kosovës, RTK,, ai i Shqipërisë dhe i Maqedonisë, si dhe do të jetë transmetim direkt edhe në Radion e Vatikanit.

Sopranoia e njohur shqiptare Inva Mula dhe futbollisti Lorik Cana përmes video incizimeve kanë bërë thirrje të gjithë bashkatdhetarëve që më 5 shtator të janë pjesë e kësaj feste në Prishtinë.