KOF: Situata e punësimit në Zvicër nuk ndikohet nga lufta në Iran

Instituti Ekonomik i Zvicrës vlerëson se tregu i punës mbetet stabil pavarësisht tensioneve gjeopolitike dhe rritjes së çmimeve të energjisë

Perspektiva e punësimit për kompanitë zvicerane nuk po përkeqësohet, pavarësisht konfliktit në Lindjen e Mesme dhe rritjes së çmimeve të naftës, bëri të ditur të hënën Instituti Ekonomik i Zvicrës KOF Swiss Economic Institute, përcjell albinfo.ch.

Parashikimi bazohet në përgjigjet e rreth 4,200 kompanive të anketuara gjatë muajit prill.

Sipas analizës së KOF, tregu i punës në Zvicër pritet të vazhdojë me një performancë të moderuar si në tremujorin aktual, ashtu edhe në ata të ardhshëm, pavarësisht pasigurive gjeopolitike dhe rritjes së çmimeve të energjisë./Albinfo.ch

---