A duhet Zvicra të ulë taksën e benzinës dhe naftës?

Eksperti i ekonomisë nga {KOF ETH Zurich{ vlerëson se ulja e taksës së mineraleve ka pasoja dhe nuk është zgjidhja më e mirë për lehtësimin e çmimeve të larta të karburanteve

Rritja e çmimeve të benzinës dhe naftës ka bërë që disa vende, si Gjermania, të shqyrtojnë uljen e taksave mbi karburantet për të lehtësuar barrën për qytetarët, përcjell albinfo.ch.

Megjithatë, për Zvicrën, një masë e tillë nuk rekomandohet nga eksperti i KOF ETH Zurich, Hans Gersbach, i cili në një intervistë për SRF News tha se kjo zgjidhje ka disa pasoja negative.

Sipas tij, ulja e taksës do të zvogëlonte të ardhurat shtetërore dhe do të reduktonte nxitjen për kursim të energjisë, pasi çmimet më të ulëta do ta bënin konsumimin më pak të kujdesshëm.

Ai thekson se më efektive do të ishin masat e synuara, si kompensime të drejtpërdrejta për qytetarët ose rishikimi i kthimit të taksës së CO₂, duke ruajtur njëkohësisht nxitjen për përdorim më efikas të energjisë./Albinfo.ch

---