Dua Lipa nis bisedimet për një rol të ri në Hollywood

Pas debutimit në “Barbie”, këngëtarja shqiptare po shqyrton projekte të reja filmike që kombinojnë muzikën dhe komedinë romantike.

Këngëtarja me origjinë shqiptare, Dua Lipa, po hap një kapitull të ri në karrierën e saj, duke u përfshirë në industrinë e filmit. Burime nga Hollywood bëjnë të ditur se artistja është në bisedime për një rol në një projekt të ri filmik, i cili pritet të nisë xhirimet gjatë këtij viti, përcjell albinfo.ch.

Pas debutimit të saj në filmin “Barbie”, ku interpretoi personazhin e “Mermaid Barbie”, producentë të ndryshëm e konsiderojnë Lipën një emër tërheqës për projekte që kombinojnë muzikën dhe kinemanë.

Edhe pse detajet e projektit nuk janë publike, mediat e industrisë, përfshirë Variety, raportojnë se Lipa po shqyrton disa oferta për filma muzikorë dhe komedi romantike, duke theksuar angazhimin e saj për të zgjeruar praninë në ekranin e madh.

---