42 % e votuesve kanë votuar deri në orën 13:00 në Konsullatën e Kosovës në Cyrih

Edhe gjatë orëve të mesditës po vazhdon fluksi i votuesve, me radhë të qëndrueshme pritjeje para ndërtesës së konsullatës

Portali albinfo.ch, i pranishëm drejtpërdrejt në terren, po përcjell nga afër procesin e votimit në Konsullata e Republikës së Kosovës në Cyrih. Deri në orën 13:00, sipas të dhënave zyrtare, kanë votuar 857 qytetarë, që përbëjnë rreth 42% të votuesve të regjistruar në këtë pikë votimi.

Edhe gjatë orëve të mesditës po vazhdon fluksi i votuesve, me radhë të qëndrueshme pritjeje para ndërtesës së konsullatës.

Procesi po zhvillohet në mënyrë të rregullt, të qetë dhe në një atmosferë qytetare, ndërsa votuesit po tregojnë vetëdisiplinë shembullore. Përparësi po u jepet të moshuarve dhe personave me aftësi të kufizuara.

Sipas komisionit zgjedhor në këtë pikë, gjithçka po rrjedh sipas planifikimit, pa probleme teknike apo procedurale. albinfo.ch do të vazhdojë raportimin e drejtpërdrejtë dhe përcjelljen e zhvillimeve nga procesi i votimit në Cyrih gjatë gjithë ditës.

---