Arrestohet pronari i “Alba Air” për mashtrim me aviobileta

Pronari i Agjencisë “Alba Air”, Shefki Rramanaj është arrestuar të martën nga Policia e Kosovës, raporton gazeta “Zëri”. Duke cituar burime të saj brenda policisë “Zëri”
raporton Rrahmanaj është arrestuar nën dyshimin për “Mashtrim me aviobileta ndaj bashkatdhetarëve”.

Ditë më parë gazeta “Zëri”, e Prishtinës kishte botuar një informacion sipas të cilit agjencia “Alba Air”,  në bashkëpunim me “Dardania Airways” përmes mesazheve telefonike i ka joshur bashkatdhetarët tanë, duke iu ofruar aviobileta me çmime më të ulëta sesa çmimi në treg.

“Por, kur ka ardhur koha për të fluturuar drejt Kosovës, shumica e tyre me orë të tëra kanë mbetur nëpër aeroport, ku janë detyruar edhe një herë të blejnë aviobiletat për të ardhur në vendlindje. I gjithë mashtrimi i pasagjerëve kishte filluar nga fundi i muajit maj, kur pronari i kësaj agjencie “Alba Air”, për ta pasur më të lehtë mashtrimin kishte afruar afër vetes edhe bashkëpunëtorë”, kishte shkruar gazeta “Zëri”.

Lexoni gjithashtu: “Alba Reisen” dhe mashtrimi i radhës me bileta aeroplani