Eurovision 2026: 35 vende të konfirmuara, debat për pjesëmarrjen e Izraelit

Vjena do të presë për herë të tretë Festivalin e Këngës “Eurovizion” më 16 maj 2026, ku do të marrin pjesë 35 vende, njoftoi Unioni Evropian i Transmetimeve (EBU). Ky edicion vjen pas disa polemikash për shkak të pranimit të Izraelit në garë, pavarësisht thirrjeve për përjashtimin e tij për shkak të operacioneve ushtarake në Gaza.

Si rezultat, disa transmetues, përfshirë ata nga Spanja, Holanda, Irlanda, Sllovenia dhe Islanda, kanë vendosur të bojkotojnë festivalin e ardhshëm. Ndërkohë, Rumania, Bullgaria dhe Moldavia do të rikthehen në garë pas disa vitesh mungese.

Eurovizioni, i njohur si konkursi më i madh muzikor në botë, ka qenë në qendër të diskutimeve javët e fundit. Fituesi i edicionit 2024, artisti zviceran Nemo, deklaroi se do të dorëzonte trofeun në shenjë proteste kundër pjesëmarrjes së Izraelit.

Festivali do të zhvillohet në Vjenë, qytet që më parë ka mirëpritur konkursin në vitet 1967 dhe 2015, duke rikthyer kështu qytetin si një nga qendrat kryesore evropiane të muzikës dhe argëtimit.