Ticino: Gjenden 40 kilogramë kokainë në makinën e serbit dhe italianes

Gruaja 53-vjeçare shtetase italiane dhe burri 53-vjeçar shtetas serb po udhëtonin në drejtim të veriut në autostradën A2

Policia kufitare e Ticinos gjeti 40 kilogramë kokainë në një makinë në Capolago, Ticino, të shtunën. Dy pasagjerët, një burrë dhe një grua nga Italia, janë arrestuar me këtë rast, transmeton albinfo.ch.

Ata akuzohen për një shkelje të rëndë të Ligjit për Narkotikët, kanë njoftuar policia kantonale e Ticinos, Zyra Federale për Doganat dhe Sigurinë Kufitare dhe zyra e prokurorit publik të Ticinos në një deklaratë të përbashkët të dielën.

Hetimi për rastin tani është në dorë të zyrës së prokurorit publik, shkruan sda.ch.

Sipas policisë, gruaja 53-vjeçare shtetase italiane dhe burri 53-vjeçar shteas serb po udhëtonin në drejtim të veriut në autostradën A2. Ata u ndaluan dhe u kontrolluan pak pas orës 7:00 të mëngjesit

---