Përleshje në mes të shqiptarëve në Romanshorn, shtatë të plagosur

Tre burra nga Maqedonia pësuan lëndime të lehta dhe të mesme. Një burrë nga Kosova, një grua nga Shqipëria dhe dy zviceranë pësuan lëndime të lehta

Shtatë persona janë plagosur në një përleshje në Romanshorn, Thurgau, herët në mëngjes të shtunën. Përleshja midis dy grupeve ka ndodhur rreth orës 4:00 të mëngjesit në një restorant në Bahnhofstrasse, siç raportoi Policia Kantonale e Thurgau të shtunën, transmeton albinfo.ch.

Janë mobilizuar disa patrulla policie për të qetësuar situatën. Tre burra nga Maqedonia e Veriut, të moshës 41 dhe 43 vjeç, pësuan lëndime të lehta deri të mesme. Ata u dërguan në spital me ambulancë, traporton sda.ch.

Një burrë 54-vjeçar nga Kosova, një grua 35-vjeçare me shtetësi shqiptare dhe dy burra zviceranë, të moshës 27 dhe 40 vjeç, pësuan lëndime të lehta, përcjell albinfo.ch. Ata morën trajtim mjekësor në vendngjarje. Dy burra të tjerë të përfshirë, një burrë 52-vjeçar zviceran dhe një burrë 48-vjeçar nga Maqedonia e Veriut, mbetën të padëmtuar.

Rrethanat dhe rrjedha e saktë e ngjarjeve që çuan në përleshje janë tani nën hetim.

---