Shënohet Dita e Flamurit nga Shoqata Kulturore Shqiptare “Nëna Terezë” dhe FC “Iliria”

Programi artistik përfshiu këngë dhe valle tradicionale të interpretuara nga fëmijët dhe të rinjtë e komunitetit

Në kuadër të shënimit të Ditës së Flamurit dhe 113 vjetorit të Pavarësisë së Shqipërisë, morëm pjesë në festimin e organizuar nga Shoqata Kulturore Shqiptare “Nëna Terezë” në Göppingen, në bashkëpunim me FC “Iliria”, njofton Konsullata e Republikës së Kosovës në Stuttgart.

Diplomatja znj. Arbrie Shabani theksoi rëndësinë e 28 Nëntorit si ditë historike e kombit shqiptar, duke nënvizuar gjithashtu rëndësinë e forcimit të lidhjeve dhe vlerave që bashkojnë shqiptarët kudo që jetojnë, transmeton albonfo.ch.

Programi artistik përfshiu këngë dhe valle tradicionale të interpretuara nga fëmijët dhe të rinjtë e komunitetit.

Në përmbyllje u ndanë mirënjohje për kontribuuesit e dalluar të shoqatës.

 

---