Zvicra mbështet mbrojtjen sociale në Shqipëri me 2 milionë franga

2 milionë franga për përmirësimin e mbrojtjes sociale në Shqipëri

Zvicra ka nënshkruar një marrëveshje të re bashkëpunimi për programin “Askush Të Mos Mbetet Pas”, duke siguruar 2 milionë franga zvicerane për përmirësimin e shërbimeve sociale në Shqipëri. Marrëveshja u firmos nga Ambasadorja Ruth Huber, së bashku me përfaqësues të qeverisë shqiptare dhe sistemit të OKB-së, përcjell albinfo.ch.

Qëllimi i programit është forcimi i shërbimeve sociale për kategoritë më të cenueshme, si në nivel kombëtar ashtu edhe në atë vendor.

“Shërbimet sociale duhet të jenë të qëndrueshme dhe të aksesueshme në të gjithë vendin”, theksoi Ambasadorja Huber gjatë ceremonisë.

Ky angazhim i ri përforcon partneritetin afatgjatë mes Zvicrës dhe Shqipërisë në fushën e zhvillimit social.

---