Dy të rinj shqiptarë humbin jetën në aksident në SHBA

Cleveland: Humbin jetën dy të rinj shqiptarë

Dy të rinj shqiptarë, S.Xh, 27 vjeçe, dhe A.Ç 30 vjeç, humbën jetën tragjikisht më 11 nëntor në një aksident në Cleveland, Ohio, transmeton albinfo.ch.

Familjarët dhe miqtë kanë hapur një fushatë GoFundMe për të mbledhur fonde për transportin e trupave dhe shpenzimet mortore.

S.Xh ishte studente doktorature në Cleveland State University, ndërsa A.Ç popërfundonte studimet e Jurisprudencës në të njëjtin universitet.

Të fejuar dhe të apasionuar pas dijes dhe librave, miqtë i përshkruajnë si njerëz të qetë dhe të dashur, që sillnin pozitivitet kudo.

Familjarët bëjnë apel për mbështetje dhe shpërndarjen e iniciativës në kujtim të tyre.

---