Retromanishtja dhe italishtja, drejt një pranie më të gjerë në Zvicër

Këshilli Federal do të zgjerojë përdorimin e gjuhëve të pakicës në gjithë Zvicrën

Këshilli Federal po nxit promovimin e gjuhëve kombëtare “minoritare” të Zvicrës, retromanishtes dhe italishtes – përtej territoreve të tyre tradicionale në Graubünden dhe Ticino, përcjell albinfo.ch.

Në mbledhjen e së mërkurës, ministrat miratuan një rishikim të ligjit aktual që synon të forcojë praninë dhe përdorimin e këtyre dy gjuhëve në të gjithë vendin, bëri të ditur qeveria në një komunikatë për shtyp.

Njëkohësisht, qeveria federale njoftoi se do të zgjerojë përfaqësimin e komuniteteve gjuhësore të ndryshme brenda administratës federale, në mënyrë që të sigurohet një balancë më e mirë gjuhësore dhe kulturore në institucionet shtetërore.

---