Në mesin e tregjeve më të bukura të Krishtlindjeve, renditet edhe një qytet i Zvicrës

10 tregjet më të bukura të Krishtlindjeve në Evropë

Kur ditët bëhen më të ftohta dhe netët më të gjata, tregjet e Krishtlindjeve sjellin ngrohtësi, aromë verë të nxehtë dhe ndriçim festiv në qytetet evropiane. Revista e njohur e udhëtimeve “Time Out” ka përzgjedhur 10 tregjet më të bukura të Krishtlindjeve në Evropë për këtë vit – dhe në mesin e tyre gjendet edhe Zvicra, transmeton albinfo.ch.

Tregu i Krishtlindjeve në Franziskanerplatz, Lucernë, është renditur në vendin e tetë falë atmosferës magjike, verës aromatike të nxehtë dhe punimeve artizanale tradicionale që e bëjnë këtë hapësirë të vogël në qendër të qytetit një vend ideal për të përjetuar frymën e vërtetë të festave.

Lucerna, me dritat e saj që pasqyrohen në liqen dhe me arkitekturën historike, krijon një peizazh përrallor që çdo vizitor e mban mend gjatë. Me këtë vlerësim nga Time Out, tregu i saj i Krishtlindjeve radhitet krah tregjeve të famshme të Vjenës, Strasburgut dhe Pragës, duke e vendosur Zvicrën sërish në hartën e destinacioneve më të bukura të dimrit në Evropë.

Renditja:
10. Kopenhagen, Danimarkë
9. Talin, Estoni
8. Lucernë, Zvicër
7. Londër, Angli
6. Vilnius, Lituani
5. Vjenë, Austri
4. Budapest, Hungari
3. Paris, Francë
2. Mançester, Angli
1. Nuremberg, Gjermani

https://www.20min.ch/story/das-sind-die-schoensten-weihnachtsmaerkte-europas-103438353

---