22-vjeçari shqiptar arrestohet në Britani, kapet në shtëpi me fermë kanabisi

KEYSTONE

Një 22-vjeçar shqiptar, Indri Lumci, është arrestuar në Mbretërinë e Bashkuar pasi u zbulua në një banesë të përshtatur për kultivim kanabisi në Loftos Avenue. Policia gjeti tre dhoma të kthyer në fermë kanabisi me pajisje ndriçimi dhe ventilimi, si dhe lëndë narkotike me vlerë rreth 4,000 paund, përcjell albinfo.ch.

Gjatë kontrollit u sekuestruan një thikë, një shkop gome dhe çelësi i një veture Honda, ndërsa në shtëpi ndodheshin tre qen të mëdhenj. Lumci tentoi të fshihej në papafingo, por u arrestua në vendngjarje.

Gjykata e dënoi me burg, ndërsa gjykatësi theksoi se “ai kishte zgjedhur vetë këtë rrugë dhe tani duhet të përballet me pasojat”.

Sipas ligjeve britanike, personat e huaj të dënuar me mbi 12 muaj burg deportohen automatikisht.