Zvicër: Ambasadat marrin masa më të rrepta sigurie

Foto: USEmbassyBern, X

Siguria përreth ambasadave po forcohet.

Shifrat nga Zyra Federale e Policisë tregojnë një rritje të ndjeshme të masave mbrojtëse për misionet diplomatike të huaja: nga 120 në vitin 2015 në 580 vitin e kaluar, transmeton albinfo.ch.

Bern ka një rrjet të dendur ambasadash dhe Gjeneva është shtëpia e organizatave të shumta ndërkombëtare.

Zyra Federale e Policisë thotë se çdo mision vlerësohet individualisht, por nuk zbulon detaje për arsye sigurie.

Policia thotë se lufta në Ukrainë dhe konflikti në Lindjen e Mesme janë faktorët kryesorë nxitës.

Ambasadat e Rusisë, Ukrainës, Izraelit, shteteve arabe dhe SHBA-së mbeten nën mbrojtjen më të rreptë.