Hapet Libri i Ngushëllimeve për Dhimitër Anagnostin

Ambasada e Shqipërisë në Bernë, hapi sot Librin e Ngushëllimeve në nderim të mjeshtrit të madh të kinematografisë shqiptare, Dhimitër Anagnosti.

Me nderim kujtojmë figurën dhe veprën e tij, që mbetet pasuri e përjetshme e kulturës sonë kombëtare, transmeton albinfo.ch.

Dhimitër Anagnosti do të kujtohet si një nga themeluesit e artit filmik në Shqipëri, autor i dhjetëra filmave të njohur që kanë lënë gjurmë në historinë e kinemasë shqiptare dhe në kujtesën e shumë brezave.

Prej dekadash, krijimtaria e tij ka pasur ndikim të thellë në formësimin e identitetit artistik të vendit, duke e bërë atë një nga figurat më të respektuara në jetën kulturore shqiptare.

Disa prej filmave të tij më të njohur janë:

Gjoleka, djali i Abazit (2006) Kthimi i ushtrisë së vdekur (1989) Përrallë nga e kaluara (1987) Gurët e shtëpisë sime (1985) Kujtime nga Gjirokastra (1983) Vëllezër dhe shokë (1982) Në shtëpinë tonë (1979) Monumenti (1977) Lulëkuqet mbi mure (1976) Kur hiqen maskat (1975) Cuca e maleve (1974) Përjetësi (1974) Motive nga dita e diel (1973) Malet me blerim mbuluar (1971) Parafabrikatet (1970) Plagë të vjetra (1968) Duel i heshtur (1967) Komisari i dritës (1966) Njeriu kurrë nuk vdes (1961).