Austria: Shënohet rënie e numrit të nxënësve të klasës së parë

Viti shkollor 2025/26 do të nisë të hënën në Austrinë Lindore dhe një javë më vonë në pjesën tjetër të Austrisë federale, duke shënuar për herë të parë pas disa vitesh një rënie prej 0.7% të numrit të fillestarëve të shkollës, shkruan ORF, transmeton albinfo.ch.

Sipas statistikave të fundit, 94,500 nxënës të klasës së parë do të fillojnë shkollën në shtator, një ulje prej 3.7% krahasuar me vitin e kaluar. Numri total i nxënësve mbetet thuajse i pandryshuar, me rreth 1.166 milion fëmijë dhe të rinj, një rritje minimale prej 0.3%.

Rënia e numrit të fillestarëve përbën një kthesë pas trendit të gjatë të rritjes: në vitin shkollor 2018/19, klasat e para numëronin rreth 85,000 fëmijë, ndërsa në vitin 2024/25 kjo shifër u afrua në 98,000.

Parashikimet për grupet e tjera shkollore tregojnë stabilitet:

Shkollat e mesme: 219,000 nxënës, pa ndryshim të madh.

Arsimi special: 15,500 nxënës, gjithashtu i qëndrueshëm.

Shkollat e ciklit të lartë: rritje minimale në 218,000 nxënës.

Shkollat profesionale: rritje 1.5% në 114,000 nxënës.

Shkollat mesme dhe të larta profesionale (BMHS): rritje 1.7% në 186,000 nxënës, transmeton albinfo.ch.