Protestuesit përplasen me policinë në Lozanë

Përleshje me policinë dhe gaz lotsjellës në Prélaz të Lozanës

Për të dytën natë radhazi, lagjja Prélaz e Lozanës është përfshirë nga trazira të forta. Ngjarjet shpërthyen pas vdekjes së një 17-vjeçari gjatë një ndjekjeje policore, duke nxitur reagime të menjëhershme e të ashpra në terren.

Mbrëmjen e së hënës, protestuesit ndezën zjarre në disa pika të qytetit. Për herë të parë që nga fillimi i trazirave, u shënuan përplasje të drejtpërdrejta mes protestuesve dhe forcave të rendit. Raportohet për 7 perosna të arrestuar.

Policia u kundërpërgjigj me përdorimin e gazit lotsjellës për të shpërndarë turmat.

Situata mbetet e tensionuar. Rrugët janë ende të bllokuara, sirenat dëgjohen pandërprerë, ndërsa qytetarët shprehin shqetësim për përshkallëzimin e dhunës dhe rrezikun që gjendja të dalë jashtë kontrollit.

Pamjet e realizuara sonte në vendin e ngjarjes dëshmojnë intensitetin e natës së dytë të trazirave në Prélaz.

Lexoni po ashtu:

Një natë e trazuar në Prélaz të Lozanës

---