Tubim në Bruksel më 30 Gusht për Ditën Ndërkombëtare të Personave të Zhdukur me Dhunë

Tubimi mbahet në: Rue de la Loi 175, 1000 Bruxelles (para Këshillit të BE), me fillim nga Ora 14:00

Më 30 gusht, kujtojmë mijëra jetë të thyera nga zhdukjet me forcë. Në Kosovë, edhe sot, mbi 1 600 persona ende figurojnë të zhdukur që nga lufta.

Pas çdo emri fshihet:  një familje që pret,  një histori e ndërprerë, një pritje e padurueshme, një e ardhme e ndaluar.

🏳️ Ju ftojmë të merrni pjesë në një tubim paqësor më 30 gusht, për të nderuar kujtimin e tyre, për të mbështetur familjet dhe për të rikujtuar se e drejta për të njohur të vërtetën është një e drejtë themelore e njeriut”, thuhet në njoftimin e bërë nga organizatori, Libraria Liz’e Bookstore në Bruksel, gjegjësisht znj. Lirie Zeneli.

 

Thirrjet tona për pjësëmarrjen në Marsh dhe tubim paqësor janë të koordinuara në Bruksel dhe Gjenevë, nën moton e përbashkët:

✨ ” Përderisa i kujtojmë, ata jetojnë ! ”

🌱 Ne duam t’u kujtojmë institucioneve evropiane se:

– nuk ka kompromise me fatin e njerëzve,
– kujtimi i të zhdukurve me forcë është i pavdekshëm,
– dhe se besimi ynë në drejtësi mbetet i pathyeshëm.

🕊️ Së bashku, le ta bëjmë të dëgjohet zëri i atyre që u heshtën me dhunë.

📍 Rue de la Loi 175, 1000 Bruxelles (para Këshillit të BE)
⏰ Ora 14:00

🇽🇰 Merr me vete një flamur 🇦🇱

Kontakti në Bruksel :

📌 Libraria Liz’e Bookstore
📞 +32 470 78 22 93
✉️ [email protected]

---