Ofensivë zvicerane për Leon Avdullahun

Foto: Facebook

Federata Zvicerane e Futbollit (SFV) po bën përpjekje intensive për të bindur mesfushorin 21-vjeçar, Leon Avdullahu, që të përfaqësojë Zvicrën. Një delegacion i lartë i SFV-së, përfshirë presidentin Peter Knabel dhe përzgjedhësin Murat Jakin, vizitoi së fundmi Avdullahun në klubin e tij të ri, Hofenheajm, në Gjermani.

Kosova gjithashtu po e kërkon me ngulm lojtarin. Presidenti i FFK-së, Agim Ademi, ishte takuar më parë me Avdullahun në Bazel, ndërsa një përfaqësues kosovar ishte i pranishëm në seancën e parë stërvitore të tij me Hofenheajmin.

Avdullahu mund të debutojë me Zvicrën në ndeshjet kualifikuese të Kupës së Botës kundër Kosovës dhe Sllovenisë. Ekspertët e shohin atë si partner potencial të Ardon Jasharit në mesfushë, duke vazhduar traditën e dysheve të suksesshme si Xhaka/Frojler.