Futboll

Jashari drejt Milanit, arrihet marrëveshja me Club Brugge

E hënë, 4 Gusht 2025 - 22:18 albinfo.ch

(KEYSTONE/Gian Ehrenzeller)

Raportimet nga Belgjika dhe Italia konfirmojnë se është finalizuar marrëveshja mes Club Brugge dhe AC Milan për transferimin e mesfushorit Ardon Jashari. Palët u takuan sërish të hënën dhe ranë dakord që Milani do të paguajë 33.5 milionë euro, plus 4.5 milionë euro bonuse për shërbimet e 23-vjeçarit.

Jashari pritet të firmosë një kontratë pesëvjeçare me Milanin, ku trajner është Massimiliano Allegri. Mesfushori kishte refuzuar oferta nga klube të tjera të mëdha, duke shprehur dëshirën e tij për t’u bashkuar vetëm me “kuqezinjtë”. Ai bëri një sezon shumë të mirë me Brugge-n në edicionin e kaluar.