Kompania franceze rekruton staf në Zvicër, por nuk paguan paga “zvicerane”

unsplash

Kompania franceze Newrest, e cila ofron shërbime ushqimore për trenat ndërkombëtarë, po kërkon të punësojë deri në 100 punonjës në Cyrih si personel shërbimi në trenat e natës, përcjell albinfo.ch.

Megjithatë, paga fillestare (bruto) që ofron kompania është 3,700 franga në muaj, e cila mund të jetë e mjaftueshme sipas standardeve franceze, por është nën mesataren zvicerane, veçanërisht pasi aplikantët duhet të jenë të gatshëm të punojnë natën, fundjavat dhe festat zyrtare, dhe të flasin gjithashtu gjermanisht dhe anglisht.

Në Cyrih, pagat nën 4,000 franga “janë mezi të mjaftueshme”, sipas avokatit të punës Roger Rudolph.

Në krahasim, në kompaninë e ushqimit SBB Elvetino, paga fillestare është 4,100 franga.