Ftohen studentët nga diaspora për punë praktike në Kosovë

Kohëzgjatja e praktikës nëpër ministritë kosovare shkon nda dy (2) javë deri në gjashtë (6) muaj.

Në Ministrinë e Diasporës thonë se një ide e tillë vjen duke u bazuar në Strategjinë dhe Planin e Veprimit për zbatimin e Strategjisë për Diasporën dhe Mërgatën 2013-2018 dhe në kuadër të zhvillimit të projektit për studentët praktikantë në Institucionet publike të Kosovës.

Tashmë ekziston një marrëvshje paraprake dhe se kandidatët e përzgjedhur do të sistemohen në Ministritë e Qeverisë së Republikës së Kosovës.

Kohëzgjatja e praktikës shkon nda dy (2) javë deri në gjashtë (6) muaj.

Studentët duhet të jenë studentë në njërin nga Universitetet në vendet ku jetojnë, pastaj  duhet të njohin njërën nga gjuhët zyrtare të Republikës së Kosovës;

Të përzgjedhurit mund të fillojnë praktikën nga data 1 korrik 2015. Puna praktike është pa pagesë.

Kandidatët e interesuar, duhet të paraqesin (bashkëngjisin): një dokument identifikimi, letër motivimi, CV/Rezyme, si dhe dëshminë se janë studentë.

Aplikacionet për kryerjen e praktikës mund t’i gjeni në ueb faqen zyrtare të Ministrisë së Diasporës si dhe në ueb faqet e të gjitha Ministrive.

“Kërkesa e plotësuar së bashku me dokumentet përcjellëse mund të dërgohen në adresën elektronike:[email protected] Për informata më të hollësishme mund të kontaktoni: Tel. 038 200 17 024, nga ora 8:00 deri 16:00”, thuhet në ftesën e Minitrisë e Diasporës.

Konkursi mbetet i hapur nga dita e publikimit, që nga data 29. 05. 2015 deri më 30. 06. 2015, që konsiderohet dita e fundit e mbylljes së konkurrimit.

Në kërkesën për praktikë duhet shënuar Ministria në të cilën dëshironi të kryeni praktikën.

„Ministria e Diasporës mirëpret aplikacionet nga të gjithë studentët të interesuar nga Diaspora“, thuhet në njoftim.