Shqipëri: Numërohen 54.9% e kutive, PS prin me mbi 52%

Keystone (AP Photo/Vlasov Sulaj)

Komisioni Qendror i Zgjedhjeve në Shqipëri në përditësimin e fundit, para pak minutave ka njoftuar se ka përfunduar numërimi i 2871 kutive të votimit nga 5225 sa janë gjithsej.

Pas numërimit të 54.9%, Partia Socialiste e Shqipërisë, me në krye Edi Ramën prin me 52.72% ose 392 mijë e 284 vota.

Koalicioni Partia Demokratike – Aleanca për Shqipërinë Madhështore, me në krye Sali Berishën ka 33.93% ose 252 mijë e 447, transmeton albinfo.ch.

PS-ja ka 83 mandate të siguruara, teksa PD-ja 51.