Eda Vllaco, pianistja shqiptare me shumë çmime kombëtare dhe ndërkombëtare

Ajo ka përfaqësuar me sukses Kosovën në Itali, Francë, Gjermani, Emiratet e Bashkuara Arabe dhe vende të tjera.

Eda Vllaco është pianiste e talentuar dhe, pavarësisht moshës së re, ajo zotëron disa çmime në fushën e saj, përcjell albinfo.ch.

E lindur më 23 maj 2005, Eda e nisi rrugëtimin e saj muzikor që në moshë të vogël në shkollën e muzikës «Lorenc Antoni» në Prizren, nën udhëheqjen e nënës së saj, Reyhan Kodrazi. Talenti i saj i jashtëzakonshëm e ka çuar atë drejt fitimit të shumë çmimeve kombëtare dhe ndërkombëtare, duke përfaqësuar me sukses Kosovën në Itali, Francë, Gjermani, Emiratet e Bashkuara Arabe e vende të tjera. Në moshën vetëm 9-vjeçare, ajo interpretoi në skenën prestigjioze të Filarmonisë së Berlinit.

Në edicionin e 11-të të Konkursit Ndërkombëtar «Nouvelles Étoiles» në Paris, në janar 2025, Eda Vllaco, së bashku me Rukiye Ayben Sever, fitoi Çmimin e Parë në kategorinë «Duo piano-flaut» (mosha 17–19 vjeç), duke përfaqësuar me krenari Universitetin e Arteve të Bukura Mimar Sinan në Stamboll.

https://www.facebook.com/share/1FuJinzChA/?mibextid=wwXIfr

---