Norvegjia ndërton tunelin më të thellë në botë, pjesë e projektit edhe Ardian Gara

Norvegjia është në ndërtim e sipër të tunelit më të gjatë dhe më të thellë në botë nën det, Rogfast, ku pjesë e projektit është edhe Ardian Gara nga fshati Kishnarekë i Drenasit, përcjell albinfo.ch.

Tuneli Rogfast do të ketë një gjatësi prej 26.7 kilometrash dhe do të arrijë një thellësi deri në 390 metra nën nivelin e detit.

Thuhet se ky projekt gjigant pritet të përfundojë në vitin 2033 dhe do të shkurtojë me 40 minuta kohën e udhëtimit mes dy qyteteve të mëdha, Stavanger dhe Bergen.

Tuneli është pjesë e autostradës E39 dhe do të zëvendësojë kalimet me traget përgjatë bregut perëndimor të Norvegjisë.

Në këtë projekt madhor është i përfshirë edhe Ardian Gara nga Kishnareka e Drenasit, i cili është kosovari i vetëm që merr pjesë në këtë projekt ndërtimi, të cilin ai e cilëson si një tunel futuristik.