Kosova dërgon ROSU-n në kufi me Maqedoninë

Mediat në Kosovë njoftojnë për lëvizje të forcave speciale të policisë së Kosovës në drejtim të kufirit me Maqedoninë.

Siç bën të ditur “Zëri”, njëri nga grupet është vendosur në Han të Elezit dhe tjetri në komunën e Gjilanit, pika kufitare të cilat lidhin Kosovën me Serbinë e Maqedoninë.

Zëdhënësi i Policisë, Baki Kelani e ka konfirmuar lajmin për Klan Kosovën duke thënë që pas incidenteve të fundit në Maqedoni, policia po vazhdon ne realizimin e detyrave për menaxhimin dhe kontrollin kufitar.

“Policia e Kosovës ka të angazhuar zyrtar policor të mjaftueshëm me qëllim të kontrollit, sigurisë dhe parandalimit të krimit trans-kufitar.” ka thënë Kelani.