Ambasada e Shqipërisë përkrahë iniciativën e studentëve shqiptarë në Zvicër

Në Ambasadën e Republikës së Shqipërisë në Bernë, Sekretari i Parë i Ambasadës, z.Valon Gashi, priti në takim një grup studentësh të talentuar nga Shqipëria dhe Kosova, të cilët studiojnë në Zvicër, përcjell albinfo.ch.

Ata janë themeluesit e shoqatës së re “Shoqëria e Re”, e cila ka marrë iniciativën për të sjellë Plisin shqiptar në listën e pasurisë kulturore të UNESCO-s.

Grupi përbëhej nga studentët Arber Gashi, Mario Muceku, Fatjeta Ramadani, Doruntina Bekolli, Taulant Gashi, dhe Adem Gashi, të cilët kërkuan mbështetjen e Ambasadës dhe për të prezantuar këtë ide të rëndësishme. Në këtë takim, ata diskutuan angazhimin e tyre për ruajtjen dhe promovimin e trashëgimisë kulturore shqiptare.

Ambasada e Republikës së Shqipërisë në Zvicër , shprehu mbështetje të plotë për këtë iniciativë dhe angazhimin për të kontribuar në realizimin e qëllimeve të tyre.