Shtohen aksidentet me fatalitet me ski në Alpe zvicerane

(KEYSTONE/Anthony Anex)

Në javët e fundit, ndërsa sezoni i skijimit është duke u zhvilluar, policia e Valais ka regjistruar një numër të shtuar të aksidenteve me ski në Alpe, ku tre persona kanë humbur jetë, përcjell albinfo.ch.

Disa prej tyre përfshijnë përplasje në shpatet, me palën fajtore që shpesh ikën nga vendi i aksidentit – sigurisht me ski.

“Kur arrijmë në vendngjarje, shpesh gjejmë një person në tokë dhe tjetri me sa duket është larguar”, tha David Roduit, zëvendës shefi i sigurisë në ashensorin e skive Téléovronnaz për transmetuesin RTS të hënën.

“Të largohesh nga vendi i një aksidenti pa u identifikuar është një shkelje e rregullave të Federatës Ndërkombëtare të Skive (FIS),” sipas Lucien Combaz, një zëdhënës i Byrosë për Parandalimin e Aksidenteve. “Këto rregulla njihen nga Gjykata Federale, kështu që i arratisuri është i ekspozuar ndaj ndjekjes penale dhe pretendimeve civile. Nëse ai gjendet, sigurisht”.