Bojkotimi i Supermarketeve bëhet trend në Ballkanin Perëndimor

Një raport i administratës tatimore kroate tregoi se bojkoti në Kroaci rezultoi në rënien e shitjeve me 53% krahasuar me një javë më parë

Shoqata për Mbrojtjen e Konsumatorit, Efektiva, u bëri thirrje konsumatorëve në Serbi të bojkotojnë pesë zinxhirë të mëdhenj të shitjes me pakicë, për shkak të çmimeve të tyre të tepërta.

Bojkoti synon zinxhirët e supermarketeve Delhaize, Mercator, Univerexport, DIS dhe Lidl. Efektiva tha se është normale që çmimet të rriten për shkak të inflacionit, por jo nga sasia që reflektohet në etiketat e çmimeve të dyqaneve.

Nisma për bojkot u nis fillimisht nga grupi kroat i të drejtave të konsumatorëve, Halo, Inspektore (Përshëndetje, Inspektor) në fund të janarit. Grupi kishte shpallur një bojkot njëjavor të rrjeteve të supermarketeve Eurospin, Lidl dhe DM, shkruan albinfo.ch.

Lëvizja u përhap edhe në vende të tjera të Ballkanit Perëndimor, duke përfshirë Bosnjën dhe Hercegovinën, Malin e Zi dhe Slloveninë.

Më pas ishte edhe Maqedonia e Veriut, si dhe një gjë të tillë pritet ta bëjë edhe Kosova.

Sa ndikim ka bojkoti?

Një raport i administratës tatimore kroate tregoi se bojkoti në Kroaci rezultoi në rënien e shitjeve me 53% krahasuar me një javë më parë.

 

---