Kanada: Flamuri i Kosovës ngrihet në Bashkinë e Hamilton

@unsplash

Në Hamilton të Kanadasë do të ngrihet flamuri i Kosovës para bashkisë, me rastin e pavarësisë së shtetit më të ri. Ceremonia do të organizohet  më 15 shkurt nga shoqata shqiptare e Hamilton dhe konsullata e përgjithshme e Kosovës në Toronto.

“Njoftojmë se të shtunën me 15 shkurt 2025, nën organizimin e Shoqatës Shqiptare të Hamiltonit dhe Konsullatës së Përgjithshme të Kosovës në Toronto, para Bashkisë së Hamiltonit (Hamilton City Hall) do të bëhet ngritja e Flamurit të Kosovës. Në mesin e shumë personaliteteve të rëndësishme të qytetit dhe provincës së Ontarios, do të na nderojë me praninë e saj edhe Andrea Horwath, kryetare e Hamiltonit”, njofton shoqata shqiptare e Hamiltonit.