Në Cyrih organizohet një ankand bamirësie për gratë e prekura nga kanceri i gjirit në Kosovë

Në Ditën Botërore Kundër Kancerit organizohet Ankandi  Bamirës i Artit, që do të mbahet më 4 shkurt 2025, në Restaurante Il Postino, Schaffhauserstrasse 188, 8057 Zürich, duke filluar nga ora 20:00. Ky event i veçantë është krijuar për të bashkuar artin dhe humanizmin, për të ndikuar pozitivisht në jetët e grave të prekura nga kanceri i gjirit në Kosovë.

Gjatë ankandit, do të prezantohen dhe ofrohen për shitje veprat artistike të realizuara gjatë rezidencës artistike në kuadër të Festivalit “Shliroj Cicat.” Këto vepra të mrekullueshme janë krijuar nga 12 artistë të talentuar, nga Shqipëria, Kosova dhe Maqedonia e Veriut. Ideja për këtë ankand u lind nga dëshira për të mbledhur fonde që do të dedikohen ekskluzivisht për të mbështetur gratë e Kosovës në përballjen me kancerin e gjirit. Çdo fond i mbledhur do të përdoret për të siguruar bras, proteza dhe vitamina për gratë e prekura, si dhe për të organizuar aktivitete ndërgjegjësuese që promovojnë diagnostikimin e hershëm dhe përkrahjen sociale.

Ky ankand nuk është vetëm një ngjarje artistike, por një histori që ka nisur me qëllimin për të bërë ndryshim përmes fuqisë së artit dhe solidaritetit.

Prania juaj jo vetëm që do të kontribuojë në këtë kauzë të fisnike, por do të jetë edhe një mundësi për të shijuar një mbrëmje të mbushur me art, emocion dhe njerëz që ndajnë të njëjtin vizion për një botë më të mirë.

Ju mirëpresim me zemër!