24 orë në ditë në shërbim të pacientit: Spitex Mednest24

Spitex Mednest24 kontribuon në përmirësimin e cilësisë së jetës së njerëzve të moshuar ose të sëmurë që dëshirojnë të qëndrojnë në shtëpi.

Iniciativa për ofrimin e kujdesit ambulator në Zvicër ka sjellë disa përparësi të rëndësishme, duke reflektuar fokusin në mirëqenien e pacientëve dhe efikasitetin e sistemeve të kujdesit shëndetësor.  Naser Sopaj, bashkëpronar i spitexit Mednest24, në një intervistë për albinfo.ch thotë se me këtë pacientët mund të qëndrojnë në mjedisin e tyre familjar, çka ndihmon në ruajtjen e pavarësisë dhe rrit cilësinë e jetës.

«Ndihmon veçanërisht të moshuarit dhe personat me nevoja të veçanta që të ruajnë një mënyrë jetese të zakonshme.», thotë Sopaj duke theksuar reduktim i kostove për sistemin shëndetësor zviceran. «Kujdesi ambulator është zakonisht më i lirë krahasuar me qëndrimin në spital ose në qendrat rezidenciale. Po ashtu zvogëlon barrën financiare mbi sigurimet shëndetësore dhe institucionet publike.», dekklaron Sopaj.

Spitexi i tyre Mednest24 shërbimet i ka të përshtatura sipas nevojave të pacientit, duke përfshirë ndihmën në higjienë, ushqyerje, administrimin e barnave, ose terapitë rehabilituese.

«Planifikimi i shërbimeve është më fleksibël dhe i përshtatet orareve dhe preferencave të pacientit.», thotë Sopaj duke theksuar edhe lehtësim që përfitojnë familjet

«Ofron mbështetje për anëtarët e familjes që kujdesen për të afërmit e tyre, duke reduktuar stresin dhe ngarkesën emocionale. Po ashru përfshin trajnime për kujdestarët familjarë, që për angazhimin e tyre paguhen nga autoritetet.», bën të ditur Sopaj

«Kujdesi ambulator ndihmon në parandalimin e përkeqësimeve të shëndetit, duke ofruar monitorim të vazhdueshëm për sëmundje kronike ose pas operacioneve.»

Sipas Sopaj pacientët mund të vazhdojnë të jenë pjesë e komunitetit të tyre dhe të ruajnë lidhjet sociale, që janë të rëndësishme për shëndetin mendor.

«Këto përparësi kanë bërë që kujdesi ambulator të jetë një opsion i preferuar në Zvicër, duke ndihmuar në krijimin e një ekuilibri midis cilësisë së shërbimeve dhe kostove të qëndrueshme.», thekson Sopaj.

Kërkon profesionistë shëndetesorë

Spitexi i Mednest 24 zgjerohet me aktivitetin e saj në tërë kantonin e Cyrihut. Tani Mednest24  pas Regendorfit ka hapur zyrat e saj edhe në Cyrh.

Spitexi që flet edhe shqip «Mednest24»  kërkon përforcime me punëtorë shëndetësore.

Në Zvicër paguhet edhe përkujdesja për familjarët në shtëpi

Pse shërbimet Spitex përdoren ende kaq pak nga shqiptarët? Nga njëra anë, njerëzit ndoshta nuk dinë sa duhet rreth asaj se sa përkujdesje mund të merret duke qëndruar në shtëpi dhe gjithashtu mund të kenë turp të kërkojnë ndihmë nga jashtë. Nga ana tjetër, kuptohet se vazhdon tradita që familjarët të kujdesen për pjesëtarin e familjes në shtëpi. Por është shumë me rëndësi për komunitetin tonë në Zvicër të informohet se  për këto shërbime që ata i ofrojnë për familjarët e  tyre në shtëpi mund të paguhen nga Spitexi jonë Mednest 24 (Pflegeangehörigen), mjafton vetëm të na kontaktojnë në zyrat tona në Cyrih dhe Regensdorf ose në numrin e telefonit: 044 597 24 24

Foto: Armend Berisha

 

---