Baerbock: BE nuk do të financojë islamizimin e Sirisë

@Annalena Baerbock profil facebook

Bashkimi Evropian do të monitorojë nga afër procesin politik që zhvillohet në Siri – dhe do të qëndrojë pranë vendit për të parë nëse po shkon drejt një të ardhmeje paqësore dhe të hapur – por nuk do të mbështesë islamizimin e Sirisë, tha dje në mbrëmje ministrja e Jashtme gjermane, Annalena Baerbock.

Baerbock, e cila së bashku me homologun e saj francez Jean-Noël Barrot udhëtoi dje në Siri duke përfaqësuar BE-në, tha për “Tagesthemen” se BE-ja po pret të shohë se çfarë do të ndodh në Siri pas disa vitesh shtypjesh absolute – nën sundimin e Bashar al-Assad, i cili u rrëzua pak më shumë se katër javë më parë.

“Por, sigurisht që ne si Evropë nuk do të jemi financues për islamizimin e një shoqërie”, tha ajo.

Baerbock dhe Barrot u takuan me liderin de fakto të Sirisë Ahmed al-Sharaa gjatë vizitës së tyre.

“Nga njëra anë, ka shpresë për liri pas gjithë këtyre viteve të luftës civile, torturave dhe shtypjes. Nga ana tjetër, shumë vëzhgues janë të shqetësuar se shpresat mund të shuhen për gratë dhe pakicat fetare dhe etnike”, tha Berbock.

“Kjo është adresuar shumë qartë”, tha ajo.

“Në fund të diskutimeve, udhëheqësit e rinj sirianë pranuan prerazi se e kuptonin këtë dhe donin të merrnin në konsideratë çështjen e pjesëmarrjes së grave”, shtoi Baerbock.